Parteiprogramm/Esperanto

Vorlage:Offiziell

Vorlage:Über die Partei

Antaŭparolo

Laŭlonge de la cifereca revolucio de ĉiuj vivsekcioj, la digno kaj la libero de la homo estas malgraŭ nekonsekekvencaj asertoj en danĝero en ĝis nun nekonata maniero. Krome, tio okazas en rapideco, kiu postulas tro de la socia opiniformado kaj la ŝtata leĝdono same kiel de la unuopulo mem. Samtempe malpliiĝas la eblecoj formi tiun procedon per demokratie gajnitaj reguloj sur la nivelo de unuopa ŝtato.

La tutmondiĝo de scio kaj kulturo de la homaro per ciferecigo kaj interkonekto revizias ties ĝisnunajn leĝajn, ekonomiajn kaj socialajn kadrajn kondiĉojn. Ne fine, la malĝustaj respondoj al tiu defio helpas iĝantan totalan kaj totalisman tutmondan socion. La timo pro internacia terorismo ŝajnigas sekurecon kiel la plej gravan valoron antaŭ libero – kaj mutigas multajn malĝuste dum la defendo de la libero.

Informa memdetermino, libera aliro al scio kaj kulturo kaj la respekto de la privateco estas la fundamentoj de la iĝonta informa socio. Nur sur ilia bazo demokratia, sociale justa, liberece memdetermina, tutmonda ordo povas estiĝi.

La Piratpartio komprenas sin kiel parton de tutmonda movado, kiu volas kunformi tiun ordon por la avantaĝo de ĉiuj.

La Piratpartio volas koncentriĝi al la en la programo menciataj temoj, ĉar ni nur tiel vidas eblecon efektivigi tiujn gravajn postulojn estontece. Samtempe ni kredas, ke tiuj temoj estas subtenindaj por civitanoj el la tuta tradicia politika spektro kaj ke mempoziciigo en tiu spektro estus malhelpa por nia kuna strebado al respekto de la privateco kaj al libero por scio kaj kulturo.

Aŭdaci pli da demokratio

La Piratpartio Germanio taksas la demokration la eble plej bona regadformo, ĉar nur vera demokratio ebligas honestan kaj justan kunvivadon kaj la kompenson de la interesoj de unuopuloj ene de la ŝtato.

Pli da partopreno

Ni Piratoj alstrebas eble plej altan demokratian egalrajtecon de ĉiuj homoj. Pro tio estas celo de la Piratpartio pliigi la rektajn kaj nerektajn demokratiajn partopreneblecojn de ĉiu unuopulo kaj prosperigi la partoprenon de ĉiu unuopa kuncivitano je la demokratio.

Rekoni novajn vojojn

Ciferecaj medioj plialtigas enorme la rapidecon de la informinterŝanĝo en la socio. Estas facile en la hodiaŭa tempo traserĉi kaj disponigi al ĉiu grandajn amasojn de informoj. Tiu ĉio ebligas tute novajn kaj antaŭe nepenseblajn eksolvojn por disdoni povon en la ŝtato; antaŭ ĉio malcentraj administracioj kaj la enkonduko de disaj sistemoj forte plifaciliĝas tiamaniere.

La cifereca revolucio ebligas al la homaro la pludisvolvadon de la demokratio, ĉe kiu la libero, la bazaj rajtoj, antaŭ ĉio la opinilibereco kaj la kundecideblecoj de ĉiu unuopulo povas plifortiĝi. La Piratpartio komprenas kiel sian taskon akompani kaj formi la adaptadon de la vivata demokratio en la Federacia Respubliko al la novaj eblecoj de la 21a jarcento.

Plifortigi disigon de povoj kaj liberon

Eble plej grandan kaj sencodonan disigon de povoj en la ŝtato opinias ni Piratoj nepre necesa. Ĝuste la sendependeco de la juĝista povo, antaŭ ĉio tiu de la Federacia Konstitucia Kortumo, estas plifortiginda kaj prosperiginda, ĉar ĝi plurfoje evidentiĝis kiel protektanto de la bazaj rajtoj de unuopuloj kontraŭ la leĝdona kaj la plenuma povoj.

Ni Piratoj kredas, ke la komunumo ne rajtas kuratori unuopajn kuncivitanojn. Por ke la civitano povu decidi metode, li bezonas bonan, malcentran, eble plej sendependan, plurvoĉan kaj ĉiam gardeman publikigan povon el gazetaro, blogoj kaj aliaj formoj de media publikeco. Do ĝi estas nepra por la konvena funkciado de la demokratio. Ebligi kaj protekti kontraŭ limigoj tiun kritikan publikigan povon ni konsideras grava tasko de la ŝtato kaj de ĉiu demokrato.

Male al la kuratorado, estas tasko de la ŝtato respekti kaj gardi la bazajn rajtojn de la unuopulo kaj protekti lin kontraŭ limigoj de bazaj rajtoj, ankaŭ kontraŭ la plimulto. La libereco de la unuopulo havas siajn limojn tie, kie la libereco de alia malutiliĝas neproporcie.

Pli da demokratio ĉe voĉdono

Ni Piratoj subtenas pli da libereco kaj sendependeco de la unuopa parlamentano. Por malpliigi frakcian disciplinon kaj partian premon la influo de la voĉdonantoj al la personara kunmeto de la parlamentoj devas plifortiĝi. Por tiu celo ebleco elekti kandidatojn de diferencaj partioj samtempe aŭ doni plurajn voĉojn al unu kandidato ankaŭ ĉe balotoj sur federacia kaj landa niveloj estas kreenda. La influo de voĉdono laŭ taktikaj pripensoj estas malpliigenda, por ke malgrandaj kaj novaj partioj povu elĉerpi sian veran potencialon de voĉdonantoj.

Aŭtora rajto kaj nekomerca kopiado

La pramalnova revo kompili, konservi kaj disponigi hodiaŭ kaj estontece ĉiun scion kaj ĉiun kulturon de la homaro alproksimiĝis dum la pasintaj jardekoj per rapidega teknika disvolviĝo. Kiel ĉiu pionira novaĵo tiu tuŝas diversajn vivsekciojn kaj gvidas al radikalaj ŝanĝoj. Estas nia celo uzi la ŝancojn de tiu situacio kaj averti kontraŭ eblaj danĝeroj. Sed la nunaj leĝaj kadraj kondiĉoj en la kampo de aŭtora rajto limigas la potencialon de la aktuala disvolviĝo, ĉar ili baziĝas sur arkaika kompreno de tiel nomata “intelekta propraĵo”, kiu kontraŭstaras la alstrebatan scian kaj informan socion.

Neniu limigo de la kopiebleco

Sistemoj, kiuj malhelpas aŭ malebligas teknike la kopiadon de verkoj (“kopiprotekto”, “mastrumado de ciferecaj rajtoj” ktp.), rarigas artefarite ties disponon por fari komercaĵon el liberaĵo. La kreado de artefarita manko pro nur komercaj interesoj ŝajnas senmorala al ni, do ni malakceptas tiun procedon.

Krome, ili malhelpas diversmaniere la rajtigitan uzadon de verkoj, kreas tute neakcepteblan kontroleblecon kaj ofte ankaŭ observadeblecon de la uzantoj kaj endanĝerigas la uzadon de verkoj por estontaj generacioj, al kiuj povus manki la aliro al hodiaŭaj ludilsistemoj.

Krome, la tutekonomiaj kostoj por establi kompletan kaj daŭran sekuran kopiprotektan infrastrukturon estas ekstreme misproporciaj kompare al sia tutekonomia utilo. La nerektaj sekvaj kostoj plialtigas tiujn kostojn per malfaciligita intertrakteblo ĉe ludilsistemoj kaj programaro.

Libera kopiado kaj libera uzado

Ĉar oni ne povas sencodone limigi teknike la kopieblecon de ciferece ekzistantaj verkoj kaj la ĉiea realigo de malpermesoj en la privata vivsekcio estas konsiderenda fiaskinta, la ŝancoj de komuna dispono de verkoj estas rekonendaj kaj uzendaj. Ni kredas, ke la nekomercaj kopiado kaj uzado de verkoj estas konsiderendaj normalaj kaj ne tuŝas malpozitive la interesojn de la plej multaj aŭtoroj malgraŭ malaj asertoj de certaj aliancoj.

Estintece oni ne sukcesis pruvi konsekvence tian interligon. Fakte ekzistas multnombro da novaĵemaj komercaj konceptoj, kiuj uzas la liberan disponon konscie al sia avantaĝo kaj povas plisendependigi aŭtorojn de ekzistantaj merkataj strukturoj.

Do ni postulas ne nur leĝigi, sed eksplicite prosperigi la nekomercajn kopiadon, disponigadon, konservadon kaj uzadon de verkoj por plibonigi la ĝeneralan disponon de informo, scio kaj kulturo, ĉar tio estas esenca baza kondiĉo por la sociala, teknika kaj ekonomia disvolviĝo de nia socio.

Prosperigo de kulturo

Ni konsideras nia respondeco prosperigi la kreadon de verkoj, ĉefe konsidere al kultura diverseco. Pozitivaj efikoj de de ni postulataj ŝanĝoj devus esti tute uzeblaj. Eblaj, sed ne atendeblaj malpozitivaj kromefikoj estas malpliigendaj ĉe okazo.

Kompenso inter pretendoj de la aŭtoroj kaj de la publiko

Ni komplete akceptas la personecajn rajtojn de la aŭtoroj je ilia verko. Sed la hodiaŭa regularo de la utiligaj rajtoj ne kontentigas honestan kompenson inter la rajtigitaj ekonomiaj interesoj de la aŭtoroj kaj la publika intereso de aliro al scio kaj kulturo. Ĝenerale oni reekprenas konsiderinde la publikan trezoron de kreaĵoj por krei verkon. Do la rekonduko de verkoj en la publikan spacon estas ne nur rajtigita, sed ankaŭ laŭ daŭripovo de homaj kreadeblecoj esence grava.

Pro tio kadraj kondiĉoj estas kreendaj, kiuj ebligas honestan rekondukon en la publikan spacon. Tio inkluzivas drastan malpliigon de la daŭro de rajta pretendo je aŭtorrajtaj verkoj sub la templimojn laŭ la TRIPS-akordo.

Patentado

Dum la ŝanĝo de industria epoko al informa epoko disvolviĝis la tutmonde regantaj patentregularoj parte de pornovaĵema impulso al kontraŭnovaĵema barilo. La provo formi la estontecon per konservemaj rimedoj kontentigas ne nur malpli kaj malpli la bazajn ŝanĝojn en la mondo, sed ĝi ankaŭ estas danĝero por la morgaŭa socio en la kampoj de patentado de genesploraj kaj bioteknologiaj ekkonoj kaj en la kampo de programaraj patentoj. Ĝenerale ni volas liberan merkaton sen la malhelpaj limigoj de la nuna patentpraktiko. Ni postulas, ke la patentsistemo reformiĝu aŭ anstataŭiĝu per pli sencodonaj regularoj. Neniukaze ĝi rajtas kompletiĝi per kontraŭnovaĵemaj regularoj.

Forigo de privataj monopoloj kaj malfermado de merkatoj

Ĝenerale, pliiĝonta forigo de monopoloj kaj malfermado de merkatoj estas deklarita politika celo de nia partio. Patentoj kiel deŝtate garantiataj privatekonomiaj monopoloj principe estas artefarita limigo de la ĝenerala bonstato. Tiu limigo bezonas daŭrajn pravigon kaj revizion.

Ankaŭ se la patentado de industriaĵoj en la pasinteco estas laŭ ĝenerala opinio (nek pruvebla nek refutebla) sukcesa afero, la socialaj kaj ekonomiaj rilatoj de inventado ja fundamente ŝanĝiĝis en la postindustria kaj tutmondiĝinta socio. Plue, la pli internacia konkurenco gvidas plie al kontraŭcela uzado de la patentsistemo, ĉe kiu oni ofte povas ekkoni neniom da kompenso por la socio. Do la pliiĝantan misuzon de patentoj ni volas haltigi. La patentado de trivialaĵoj aŭ eĉ la blokado de la progreso per patentoj estu malhelpataj ĉiukondiĉe.

Tio validas ankaŭ kaj speciale por la kampo de farmacia industrio. La alta monbezono kaj la monopolsimila strukturo de tiu merkato bezonas reorganizadon por uzi la sociajn rimedojn sencodone kaj ne disipi ilin per blokadoj kaj pro la avantaĝo de unuopuloj. Plue, patentoj je farmaciaĵoj parte havas etike plej kondamnindegajn konsekvencojn.

Patentoj en la informa socio

Ekonomia sukceso dependas en la informa socio plie ne plu de teknikaj inventoj, sed de scio kaj informo kaj ties malfermo.

La strebado reguli tiujn faktorojn nun ankaŭ pere de la patentsistemo absolute kontraŭstaras nian postulon de libero de scio kaj kulturo de la homaro.

Ni unuanime malakceptas patentojn je vivaĵoj kaj genoj, je komercaj ideoj kaj je programaro, ĉar ili havas nepostuleblajn kaj nerespondeceblajn konsekvencojn, ĉar ili malhelpas la disvolviĝon de la scia socio, ĉar ili privatigas komunaĵojn sen kompenso kaj sen embaraso kaj ĉar ili havas neniun inventan potencialon laŭ origina senco. La bona disvolviĝo de etaj kaj mezaj informteknologiaj firmaoj en la tuta Eŭropo ekzemple montris, ke patentoj en la programara sektoro estas tute nenecesaj.

Libera demokratie kontrolata teknika infrastrukturo

En nia moderna informa kaj komunika socio estas ege grave, ke ĉiuj civitanoj povas atingi ĉiutempe la tutan kontrolon pri siaj informtraktado kaj komunikado, se ili deziras tion. Tiu libereco de ĉiuj civitaninoj malhelpu, ke la povo pri sistemoj kaj datumoj koncentriĝu en la manoj de unuopuloj. Ĝi provas disdoni ilin laŭeble plej vaste al ĉiuj civitanoj kaj tiamaniere sekurigi iliajn liberon kaj privatecon.

Malfermaj normoj

La libera kaj daŭra uzado de ĉiuspeca datumoj de ĉiuj uzantinoj per sistemoj laŭ ilia elekto eblas nur, se tiuj datumoj ekzistas en formato, kiu konformas laŭ la kriterioj de malferma normo. Estas simile ĉe kunlaborado de diversaj teknikaj sistemoj. Tiuj estas ŝanĝeblaj ĉe sama funkciaro nur, se ilia interfaco estas laŭ malferma normo. Pro tio ni subtenas la konsekvencan uzadon kaj la disvastigon de malfermaj normoj. Ĉar tiamaniere la dependeco de unuopaj frabikantoj malpliiĝas kaj la libera konkurenco de teknikaj solvoj iĝas ebla.

Ni komprenas malferman normon kiel protokolon aŭ formaton, kiuj

• 1e estas komplete, publike, senlime por ĉiuj koncernatoj same alireblaj, povas esti taksataj kaj uzataj,
  
• 2e estas sen komponantoj aŭ kromaĵoj, kiuj dependas de formatoj aŭ protokoloj, kiuj mem ne kontentigas tiun difinon,
  
• 3e estas liberaj de juraj aŭ teknikaj klaŭzoj, kiuj limigas ilian uzadon de iu flanko aŭ de iu komerca modelo,
  
• 4e gvidiĝas kaj pludisvolviĝas sendepende de unuopa fabrikanto, en procedo, kiu estas malferma al egalrajta partopreno de konkurencantoj kaj triaj,
  
• 5e estas je dispono en diversaj kompletaj realigoj de diversaj fabrikantoj aŭ kiel komplete libera realigo.

Libera programaro

Ni subtenas la prosperigon de programaro, kiu povas esti senlime uzata, ekzamenata, disvastigata kaj ŝanĝata. Tiu tiel nomata libera programaro garantias al siaj uzantinoj ĉiujn esencajn liberecojn, kiuj necesas por mem kontroli iliajn teknikajn sistemojn kaj eventuale pludisvolvi ilin komune kaj demokrate. Tio esence prestas al la plifortigo de aŭtonomeco kaj privateco de ĉiuj uzantoj. Speciale edukadaj institucioj kaj la tuta publika administracio laboru laŭpaŝe, ke ilia tuta teknika infrastrukturo ŝanĝiĝu al libera programaro por malpliigi longtempe la kostojn por la publikaj buĝetoj kaj dependecon de unuopaj fabrikantoj.

Partopreno ĉe la cifereca vivo

La ŝanĝiĝo al la cifereca socio estas enorma disvolviĝa salto. Ĝi efektas masive nian socialan vivon, politikan procedon kaj nian ekonomian agadon. Libera komunikado efektas kiel katalizilo por la pludisvolviĝo de la socio kaj liberigas ĝis nun nesupozitajn pontencialojn per la novaj ciferecaj teknologioj. La libera informfluo kreas emancipiĝintajn civitanojn, kiuj kapablas efektive defendi sian liberon kontraŭ totalismaj tendencoj. La libera konektado ebligas facile kunligi oferton kaj demandadon de ĉiu speco. La moderna socio estas ne plu pensebla sen la eblecoj de cifereca komunikado. La ŝtata agado devas sekurigi kaj eĉ prosperigi ilin.

Aliro al cifereca komunikado

La komunikado per ciferecaj retejoj kiel la interreto jam estas grava afero kaj gajnas pli kaj pli da valoro. Sen la ebleco de partopreno nek vera opinilibereco nek la libera disvolviĝo de la personeco plu eblas.

La aliro al cifereca komunikado ebligas tute partopreni la socialan vivon, libere publikigi, akiri aliron al publikaj informoj kaj kleriĝi per tio, same kiel agi ankaŭ interrete ekonomie aŭ kulture. Ĝi rajtas nek daŭre nek tempe kaj nek tute nek parte malebliĝi.

Anstataŭe devas sekuriĝi, ke ĉiu membro de la socio ricevu la eblecon konvene aliri la ciferecan komunikadon. Tiu aliro devas oferti ankaŭ en kamparaj regionoj la necesajn kvaliton kaj transmetrapidon por povi tute partopreni la kutimajn uzadeblecojn. Neniu setlejo rajtas ekskluziviĝi de plenvalora partopreno ĉe la cifereca vivo, nek fikse nek poŝe. Por tiu celo la disponeblaj frekvencoj devas esti je dispono al vasta, civila kaj demokrata uzado. Ĉe la rezervado kaj disdono de frekvencsekcioj la socia utilo de ilia uzado kaj la disponigo de aliro por ĉiuj interesiĝantoj devas rangi antaŭ monaj interesoj.

Por forigi ekonomiajn malhelpojn por la aliro al cifereca komunikado la rajto je partopreno estas klare atribuenda al ĉiu sociano. Por ĉiuj, kiuj ne havas la financajn rimedojn por krei la teknikajn kondiĉojn por tio, la socialaj sekurigsistemoj devas ebligi la akiron kaj reĝimon de la necesa tekniko.

Uzadeblecoj de la cifereca komunikado

La cifereca socio dividas inter si por sia komunikado la tutmondan interreton kaj multajn konektitajn subretojn, kiujn multaj provizantoj manaĝas. Ili formas virtualan publikan spacon, kies uzado devas esti je dispono same al ĉiu. La kontrolado de tiu virtuala publika spaco per la manaĝantoj de ĝiaj subretoj ne rajtas esti uzata por intence limigi la unuopajn partoprenantojn de komunikado. Kaj la ofertantoj de servo kaj ties konsumantoj limiĝus de intencaj blokado aŭ stringado de siaj transmisioj per neakceptebla maniero. Nur se ĉiu uzanto kaj ĉiu servo, kiu estas ofertata de li, traktiĝas samrajte, ankaŭ ĉiu povas samgrade disvolviĝi libere en la interreto. La diskriminado de unuopuloj prosperigus la formadon de monopoloj, malpliigus la novaĵeman forton de la interreto entute kaj gvidus al limigoj de la opinilibereco.

Por konservi la liberecon en la interreto por ĉiuj, la neŭtraleco kaj samrajta traktado de ĉiuj uzantoj per la manaĝantoj de la retoj devas esti sekurigitaj per ŝtata regulado. Ankaŭ por sekurigi la manaĝadon de unuopaj servoj, kiuj havas altajn postulojn je la dispono de la reteja kapacito, la reta neŭtraleco rajtas rompiĝi nur, se la plukonstruado de kapacitoj ne plu eblas.

La plukonstruado de la retoj kaj ilia modernigo devas esti sekurigitaj daŭre. Ĝi ne rajtas esti endanĝerita per formado de monopoloj sur komunikadaj vojoj. Por prosperigi per daŭra konkurado investojn kaj novajn novaĵojn, ne rajtas permesi novajn strukturajn monopolojn kaj subteni plu malnovajn. Anstataŭe alta malcentriĝo devas esti alstrebata, speciale per prosperigo de nekomercaj projektoj, kiuj agadas laŭ tiu senco.

La garantio de la libera kaj samrajta uzado de la publika parto de la interreto devas deŝtate realiĝi ne nur kontraŭ la interesoj de la firmaoj, kiu manaĝas ĝin, sed ankaŭ esti garantiata de la ŝtato mem. Deŝtata devigo de filtrado kaj manipulado de la transmetataj datumoj ne rajtas ekzisti. Konsekvenca samrajta traktado de ĉiuj datumoj en neŭtralaj retejoj povas vere sekuriĝi nur tiam, kiam tiuj transendiĝas principe sen spekti la enhavojn kaj sendepende de tiu, kiu estas la sendinto aŭ ricevonto. La analizo de la transmetendaj datumoj per profunda pakaĵa inspektado ne rajtas esti postulata de la ŝtato kaj permesata al la manaĝantoj de la subretejoj de la publika interreto.

La batolo kontraŭ krimeco en la interreto devas okazi tie, kie ĝi estas plej efika: ĉe la sendintoj kaj ricevintoj de la nepermeseblaj datumoj. Ĝi estas tasko de la ŝtataj administracioj, kiuj ricevis pro tio la monopolon pri perforto. Ne estas la tasko de interretperantoj kaj retmanaĝantoj agi kontraŭ krimeco en la virtuala publika spaco interreto. Ili ne rajtas fariĝi privatekonimiaj juĝenketaj administracioj, ricevi kompetentojn pri propraaŭtoritata danĝerantaŭgardo aŭ eĉ esti uzataj por punado. Tiuj perantoj estas respondecaj, ke la laŭorda funkciado de la libera interreto estu sekurigata kaj la aliro estu je dispono de ĉiuj socianoj, sed ne pri tio, por kio tiuj uzas iliajn retejojn. Ili ne rajtas fariĝi respondecaj pro la krimecaj agadoj de siaj klientoj kaj esti devigitaj al kompenso.

Lerni la uzadon de cifereca teknologio

La interreto kaj pliaj ciferecaj medioj gvidas nepre al grandaj sociaj ŝanĝoj. Ili plivastigas la eblecojn al libera disvolviĝo kaj kreas per tio novajn ŝancojn kaj riskojn. Moderna socio devas uzi tiujn disvolviĝojn akompanante ilin science kaj pludonante la akiritan medikompetenton al ĉiuj siaj membroj. Ĉiu devas esti en la situacio profiti per la novaĵoj kaj povi memprotekti kontraŭ la danĝeroj per kompetenta kaj kritika uzado de la medioj.

Por la instruado de medikompetento la lernejoj ĉiam devas esti ĝisdataj kaj enhave kaj teknike. La kritika uzado de modernaj medioj, ilia efika utiligo kaj la kreema formado devas integriĝi fikse en la instrutaskon en la edukadaj institucioj. Ĉe tio apud la lernejoj ankaŭ la gepatroj havas gravan rolon. En la kompleksa media mondo la gepatroj devas ricevi la necesan helpon por kapabli sekvi la disvolviĝon. Por sukcesa edukado ili devas koni kaj kompreni la mondon, en kiu iliaj infanoj kreskas, ĝiajn eblecojn kaj danĝerojn.

Ĉe tiu rapidega disvolviĝo neniu rajtas esti postlasita. Ankaŭ pliaĝuloj devas havi la eblecon partopreni la ciferecan socian vivon tiom amplekse, kiom ili volas. Pro tio, la ekkonoj kaj spertoj de la socio sur la kampo de medikompetento devas esti je dispono ankaŭ de la pli aĝa generacio per ĉiuspecaj kleriĝadofertoj. La specialaj bezonoj de plejaĝuloj devas esti konsiderataj same kiel ĝenerala manko de bariloj. Ili devas propsperiĝi en elementaj kampoj de medioj kaj esti konsiderataj ĉe deŝtataj ofertoj.

Cifereca socio tutmonde

La libera komunikado per ciferecaj retejoj ebligas al nia socio plifortigi la klasikajn rajtojn de libero same kiel la opiniliberecon kaj la liberan disvolviĝon de la personeco. Ĝi kreas informiĝintajn civitanojn kaj plifortigas la demokratian diskurson, dum kiam novaj ekonomiaj kampoj estiĝas kaj kontribuas al la bonstato de la socio. Klopodoj establi liberajn komunikadajn retejojn estas bonvenigendaj kaj subtenendaj ankaŭ en aliaj landoj. Ili ebligas tutmonde pli demokratiajn regadformojn, pli informiĝintajn kaj pli toleremajn sociojn kaj per tio pli stabilajn strukturojn. La konstruado de liberaj komunikadaj sistemoj devas – ĉie, kie ĝi estas sencodona – fariĝi parto de la germana evoluhelpo.

Liberaj komunikadaj retejoj tutmonde ĉiam denove estas minacataj de cenzurstrebadoj. Tiuj celas ordinare kontraŭ la propra loĝantaro kaj kontraŭ la libero de la propraj civitanoj. Cenzuro rajtas ankaŭ en aliaj landoj neniukaze esti prosperigataj de la Federacia Respubliko Germanio. La teknikaj kondiĉoj por tio ne rajtas esti kreitaj mem kaj esti akceptataj ĉe aliaj. Iniciatoj – de politika aŭ teknika naturoj - por la subminado de filtrilsistemoj estas subtenendaj en la kadro de eblecoj de ekstera politiko.

Privateco kaj datumprotektado

La protektado de la privateco kaj la datumprotektado garantias la dignon kaj la liberon de la homo. La moderna libereca-demokratia socia formo estis porbatalita kaj defendita estintece ankaŭ uzante sennombrajn homajn vivojn.

Sole la 20a jarcento konas en Germanio du diktatorecojn, kies teruro markiĝis ĉefe per la mankanta respekto por la unuopa homo kaj per ĉiea kontrolo. Pri la teknikaj rimedoj de la hodiaŭa tempo la diktatoroj de ĉiuj epokoj apenaŭ aŭdacis revi. La observadata socio estiĝas nuntempe sole per tio, ke ĝi fariĝis teknike ebla kaj servas same al la interesoj de ekonomio kaj ŝtato. La Piratpartio decide anoncas la batalon kontraŭ tiu observado. Ĉiu unuopa paŝo sur la vojo al la observadŝtato estu tiom konvinke argumentita, sed ni eŭropanoj scias el sperto, kien tiu vojo gvidos, kaj volas neniukaze iri tien.

Privateco

La rajto je gardado de la privateco estas nepra fundamento de demokratia socio. La opinilibereco kaj la rajto je persona disvolviĝo ne estas realigeblaj sen tiu kondiĉo.

Sistemoj kaj metodoj, kiujn la ŝtato povas uzi kontraŭ siaj civitanoj, devas esti daŭre taksataj kaj strikte kontrolataj de la elektitaj mandatuloj. Se la registaro observadas civitanojn, kiuj estas ne suspektindaj je krimo, tio estas fundamente neakceptebla malobeo de la civitana rajto je privateco. Al ĉiu civitano la rajto je anonimeco devas esti garantiata, kiu estas imanenta en nia konstitucio. La pludonado de personrilataj datumoj de la ŝtato al la privatekonomio devas ĉesi ĉiukaze.

La letera sekreto estu plivastigota al ĝenerala komunikada sekreto. La aliro al la komunikadaj rimedoj aŭ la observado de civitano rajtas esti permesita al la registaro nur kaze de certa suspekto, ke tiu civitano faros krimon. En ĉiuj aliaj kazoj la registaro supozu, ke ĝiaj civitanoj estas senkulpaj, kaj lasu ilin. Al tiu komunikada sekreto oni devas doni fortan perleĝan protekton, ĉar registaroj ofte montris, ke ili ne estas fidindaj ĉe konfidencaj informoj.

Speciale, datumstokado de komunikadaj datumoj sendependa de suspekto kontraŭstaras ne nur la supozon de senkulpeco, sed ankaŭ ĉiujn aliajn principojn de libereca demokratia socio. La dominanta kontrolmanio estas multe pli grava minaco por nia socio ol la internacia terorismo kaj kreas klimaton de malkonfido kaj timo. Ĉiea videoobservado de publikaj spacoj, dubindaj densmaŝaj policaj serĉadoj, centralaj datumbazoj kun nepruvitaj suspektoj estas rimedoj, kies uzadon ni malakceptas.

In einem verdeckten Eingriff in informationstechnische Systeme (z.B. mittels so genannter Bundes- oder Staatstrojaner) durch staatliche Stellen erkennen wir immer einen unverhältnismäßigen Eingriff in das Grundrecht auf Gewährleistung der Vertraulichkeit und Integrität informationstechnischer Systeme. Gesetze, die dem Staat derart tiefe Eingriffe in den Kernbereich privater Lebensgestaltung seiner Bürger erlauben, sind nicht mit unserer Auffassung von Grundrechten und Rechtsstaat vereinbar.

Informa memdetermino

La rajto de la unuopulo kontroli siajn datumojn devas plifortiĝi. Por tio speciale la komisaroj pri datumprotektado devas povi agi tute sendepende. Novaj metodoj kiel la poentarigo igas necese povi kontroli ne nur la personajn datumojn, sed ankaŭ la uzon de ĉiuj datumoj, kiujn oni povas konsulti por juĝo pri persono. Ĉiu civitano devas havi realigeblan kaj vere senkostan pretendon je meminformo kaj eventuale korekto, blokado aŭ nuligo de la datumoj kontraŭ la manaĝantoj de centraj datumbazoj.

Kolektado kaj uzado de biometriaj datumoj kaj gentestoj bezonas pro la alta potencialo de misuzo speciale kritikan takson kaj kontrolon de sendependa ofico. La konstruo de centraj datumbazoj kun tiaj datumoj devas ĉesi. Ĝenerale, la reguloj por la protektado de personrilataj datumoj devas konsideri pli forte la specialaĵojn de ciferecaj datumoj kiel la eventualan daŭrecon kaj la malfacile kontroleblan disvastigon. Ĝuste ĉar la Piratpartio subtenas pli fortan liberigon de informo, kulturo kaj scio, ĝi postulas datumsparemon, datumeviton kaj sendependan kontrolon de personrilataj datumoj, kiuj estas uzataj por ekonomiaj kaj administraciaj celoj kaj per tio estas taŭgaj nenecese limigi la liberon kaj la informan memdeterminon de la civitano.

Travideblo de la civito

En la hodiaŭa socio rapida disvolviĝo estas observebla. Ĉiam pli da informoj amasiĝas, kiu interkonektiĝas ĉiam pli forte. Sed interkonektitaj informoj fariĝas scio, kaj scio signifas povon. Do, se la aliro al scio malvastiĝas al malgranda societo de fruktuzantoj, povaj strukturoj nepre ekekzistas, kiuj favoras malmultajn personojn, sociajn organizaĵojn aŭ ŝtatajn organojn kaj tiamaniere finfine endanĝerigas la demokratian procedon de libereca socio. Ĉar tiu baziĝas sur eble plej vasta partopreno de civitanoj ĉe la formado kaj kontrolo de la sociaj fariĝoj kaj do estas neakordigebla kun la informa antaŭeco, kiun malmultaj provas sekurigi kontraŭ la komuneco. Do, la enrigardo en la laboron de administracio kaj politiko je ĉiuj niveloj de la ŝata ordo estas konvene garantienda, protektenda kaj realigenda.

La aktuala situacio en Germanio estas determina de multnombro de diferencaj regularoj je la diversaj niveloj kaj en la multspecaj sekcioj de ŝtata agado, kaj nur malmulte ŝanĝiĝis ĝis nun de la "principo de sekreteco" favore al "principo de publikeco", kvankam tio frape ilustras la relŝanĝon por moderna socio en la 21a jarcento, ankaŭ laŭ la tre influhavaj eblecoj de la novaj medioj. Administracio kaj politiko devas fine respekti sian servan karakteron ankaŭ laŭ sia travideblo kontraŭ la civitano kaj fundamente orientiĝi ebligi aliron al informoj por la civitanoj efike, komforte kaj malmultekoste.

Speciale, por taksado de politikaj decidantoj estas nepre, ke la fundamentoj de politikaj decidoj fariĝas travideblaj. Malpozitivaj ekzemploj por tio estas la sekreteco pri la vojimposta kontrakto antaŭ la regnestro kaj liaj elektitaj reprezentantoj same kiel la maldemokratia enkdonduko de balotmaŝinoj, kiuj taŭgas difekti la unuarangan elementon de la demokratio, la elekton.

La Piratpartio volas laŭ tiu senco akceli la travideblon de ĉiuj ŝtataj precedoj kaj postulas do:

• Ĉiu civitano havu sendepende de koncerno kaj sen devigo al motivigo la rajton sur ĉiuj niveloj de la ŝtata ordo enrigardi la dosierajn procedojn kaj la informojn je dispono de la respektiva administracio. Tio validu por skribita dosieraĵo same kiel por cifercaj kaj aliaj medioj.
• Siajn limojn trovu tiu rajto en la regularoj por la protekto de personecaj rajtoj, la nacia sekureco, por la prevento de krimoj kaj simila.
• La informanta administracio estu devigita aktuale kaj kun klara regularo de kostoj garantii aliron forme de enrigardo en dosieron aŭ kopio de materialo por ebligi vastan kaj efikan uzadon de la datumoj.
• La rifuzo de la aliro devu esti motivita skribe kaj povu lasi de proponinto kaj de koncernataj triaj esti kontrolita juĝe. Ĉe tio tuta aliro estu garantiata de la publika administracio al la juĝo por tiu celo.
• Ĉiuj publikaj administracioj estu devigitaj periode publikigi kaj organizajn kaj taskajn priskribojn inkluzive de superrigardoj pri la specoj de dosieroj, kiujn oni povas ekpreni, kaj ĉiujaran publikan raporton pri la apliko de la rajto je informo.

Speciale konsidere de la imensaj eblecoj, kiuj rezultas el la rapidega disvolviĝo kaj disvastiĝo de la novaj medioj, ekzistas diversaj deirpunktoj por konsideri tiujn fundamentajn postulojn. Tiel la ŝtataj administracioj forcu la uzadon de libera programaro, instalu aŭtomatan publikigon de por tio taŭgaj dokumentoj kaj ĝenerale plukonstruu la malmultekostan kaj senpenan ciferecan aliron.

La forturniĝo de la “principo de sekreteco”, la administracia kaj politika opinioj pri arkaika nocio de la ŝtato, kaj la akcento de la “principo de publikeco”, kiu metas emancipiĝintan civitanon en la mezon de ŝtataj agado kaj formado, kreas laŭ la firma opinio de la Piratpartio la neprajn kondiĉojn por moderna scia socio en libereca kaj demokratia ordo.

La Piratpartio subtenas devigon de distingilo por policistoj. Oficistoj laborantaj ĉe kunvenoj estas devigendaj porti defore vid- kaj ekkoneblajn distingilojn. La distingiloj estas formendaj pseŭdonimaj (ekzemple forme de numero) kaj rajtas ŝanĝiĝi de deĵoro al deĵoro.

Devas esti eble ankaŭ poste alordigi distingilon al persono per juĝista decido. La superulo estas respondeca por la efika realigo de la devigo de distingiloj kaj la ĝusta teno de la alordigoj de distingiloj al personoj.

Policistoj estas devigendaj malhelpi kontraŭleĝajn agadojn de aliaj policistoj aŭ – se tio ne eblas – raporti kaj identigi la partopreninta/j/n oficisto/j/n. Malobeoj de tiuj devoj (portado de la distingilo, ĝusta teno de la alordiga listo, malhelpado/raporto de kontraŭleĝaj agadoj) estas sankciendaj kriminale.

Malfermaj kontraktoj kun la ekonomio

Kontraktoj inter publikaj institucioj/oficejoj/registaro ktp. kaj privataj firmaoj devas esti publikaj laŭ senco de travidebla ŝtato.

• Sekretaj kontraktoj kun privataj firmaoj estas ĝenerale malakceptendaj.
• Ĝis nun faritaj kontraktoj estas farendaj alireblaj por la publiko.
• Ĉiuj publikaj ofertoj estas realigendaj travideble kaj publike. Post la decido ĉiuj ofertoj estas publikigendaj same kiel la motivo.
• Publikaj ofertoj estas formendaj tiel, ke ili povu esti plenumendaj ne nur de unu firmao.
• Kontraktoj estas formendaj tiel, ke de la realigo rezultu neniuj pli grandaj danĝeroj por homo kaj medio, ol kiam la ŝtato faras tion.
• Informoj pri kontraktoj, kiuj estas faritaj kun la ŝtato (civitanoj, pagantoj de impostoj) devas ĝenerale esti publikaj kaj ne nur alireblaj por malgranda grupo de ŝtataj reprezentantoj. Laŭdiraj firmaaj sekretoj (kiel ekz. kostoj, promesoj de gajno), pri kiuj kontraktoj estas faritaj, ne povas esti konsideritaj. En motivigitaj kaŭzoj kiel ĉe danĝero por korpo kaj vivo tempe limita escepto (ekz. maksimume 10 jaroj) povas esti difinota, en kiuj certaj informoj de kontraktoj povas esti retenitaj.

Libera aliro al publikaj enhavoj

La Piratpartio subtenas, ke plej eble ĉiuj de la publikaj administracioj aŭ pere de publika prosperigo kreitaj enhavoj fariĝu libere alireblaj por vasta publiko. La disponebleco ne rajtas malfaciliĝi per procedoj de propono, licencoj, kotizoj aŭ teknikaj rimedoj. La enhavoj estas je dispono kaj arkiviĝas interrete en malfermaj formatoj. La pludonado kaj komerca uzado estas eksprese permesitaj. Esceptoj de la devo de publikigo eblas nur pro gravegaj kialoj; tiuj devas esti skribite priskribitaj en ĉiu individua kazo.

La Piratpartio staras por konsekvencaj demokratio, malkaŝeco kaj travideblo. Ni volas, ke ĉiu homo principe kapabliĝu detale kompreni kaj taksi la labormanieron de ĉiuj publikaj kaj publike financataj administracioj (informlibereco). Tio kondiĉas, ke ĉiuj tie konataj informoj tuj, nedemandite, laŭnorme, daŭre kaj libere fariĝu je dispono (Open Data). La civitanoj kiel peraj komisiintoj havu la rajton demandi, uzi kaj pludoni publike financitajn enhavojn (Open Commons). Ni klare kontraŭstaras kaŝecon, fermadon kaj malĝuste komprenitan rivalan pensadon en la publika sektoro, kiun ni volas fari evidente pli efika, pli travidebla kaj pli kontrolebla per libere komunikebla scio. Speciale en la scienca sektoro, la fordono de prosperigaj rimedoj devas esti kunligitaj kun la libera publikigo de la gajnotaj ekkonoj (Open Access).

Edukado

Edukado en libereca-demokratia socio

Ĉiu homo havas la rajton je libera aliro al informo kaj edukado. Tio estas esenca en libereca-demokratia socio por kapabligi ĉiun homon sociale partopreni en eble plej granda mezuro, sendepende de sia sociala deveno. Laŭ tiu celo, la ĉefa intenco de institucia edukado estas la subteno ĉe la disvolviĝo al emancipiĝinta, kritika kaj sociala persono. Ĉe tio la koncernoj de la lernanto estu en la malfono.

La libera aliro al informo kaj edukado tamen estas nepra ne nur laŭ la socia disvolviĝo, sed ankaŭ laŭ la ekonomia disvolviĝo de nia socio. Klereco estas unu el la plej gravaj risurcoj de la germana nacia ekonomio, ĉar nur per la konservado, la pludonado kaj la pliigo de scio progreso kaj socia bonstato povas sekuriĝi daŭre.

Investoj en edukado estas investoj en la estonteco.

La publika edukada infrastrukturo

La libera aliro al edukadaj institutoj estas laŭ intereso de ĉiuj. Pro tio estas la tasko de la tuta socio, forme de la ŝtato, financi kaj senkotize disponigi efikan kaj laŭ ĝia celo konvenan edukadan infrastrukturon. Privata financado de publikaj edukadaj institucioj estas principe bonvenigendaj, se ĝi ne havas influon al la ekzistantaj instruaj enhavoj.

Edukadaj kotizoj de ĉiu speco limigas la aliron al edukado kaj estas pro tio kategorie malakceptendaj. Pro tiu kaŭzo ankaŭ la senkotiza provizado de instrumaterialo estas konsentenda. Tiu estas plej bone realigebla per tio, ke la uzado kaj la kreado de liberaj verkoj por la perado de scio estas subtenataj kaj plukonstruataj. Tiuj liberaj verkoj estas ne nur senkoste uzeblaj ĉe la instruado, sed ankaŭ kapabligas la instruanton adapti la instrumaterialon al sia instruado sen leĝaj baraĵoj.

Malgraŭ la ŝtata edukada mandato la edukado en edukadaj institutoj ne anstataŭu la edukadon de la gepatroj. Al kompleta klareco apartenas, ke ambaŭ formoj de edukado kompletigas kaj prosperigas unu la alian.

Edukado kiel individua procezo

Ĉiu homo estas individuo kun personaj emoj, fortoj kaj malfortoj. Institucia edukado subtenu pro tio la unuopulon disfaldi siajn talentojn, malpliigi malfortojn kaj malkovri novajn interesojn kaj kapablojn. Apud rigidaj instruplanoj kaj horaroj, antaŭ ĉio kelkaj formoj de efektotaksado ne kontentigas tiujn postulojn. Speciale, ni malakceptas la taksadon de teniĝo laŭ donita norma rastro ekz. ĉe tiel nomataj kapaj notoj.

La edukadaj enhavoj baziĝu sur funditaj kaj dokumenteblaj ekkonoj kaj devas periĝi de eble plej neŭtrala vidpunkto. Tio enhavas antaŭ ĉio senpartian prezentadon, la egalanimecon de vidpunktoj kaj kritikan taksadon de fontoj.

Demokratiigo de edukadaj institutoj

La edukadaj institutoj estas por la tieaj lernantoj kaj studentoj preganta kaj ampleksa parto de ilia vivo. Pro tio, ili estas komprenendaj kiel vivspaco de la lernantoj, kies formado kaj uzado devas esti ĉiam malfermaj por ili. Demokratia organizado de la edukadaj institutoj ebligu al la lernanto same kiel al la aliaj interesularoj konvenan influon. Tiamaniere demokratiaj valoroj estas perataj kaj ekzemplodone vivataj, la akcepto pligrandiĝas kaj la sento de komunumo ene de la edukadaj institutoj plifortiĝas.

Fruinfana edukado

La fruinfana edukado havas centran gravecon por la celoj de la Piratpartio. Ĝia tasko estas prosperigi ĉiujn infanojn – malgraŭ ekzistantaj diferencoj – ĉe iliaj personaj kompetentoj tiel, ke ili komencu sian lernejan karieron sendepende de sia sociala kaj kultura deveno kaj malgraŭ eblaj korpaj aŭ psikaj malavantaĝoj aŭ disvolviĝaj prokrastoj kun eble plej bonaj bazaj kondiĉoj.

Pro tio la Piratoj subtenas senkostan kaj laŭ deziro tuttagan prizorgadon en infanvartejoj proksimaj de loĝejo (aŭ alternative de laborejo) kun sencodonaj malfermaj horoj por infanoj ekde la tria naskiĝtago. Krome, celo de la Piratoj estas la agnosko de konkreta edukada mandato ĉe infanvartejoj kaj la financado laŭ la regularo por lernejoj.

Medikompetento

La trovado, komprenado, taksado kaj preparado de informoj en plej diversaj formoj iĝas estontece pli kaj pli gravaj. La amaso de libere haveblaj informoj estas ekde kelkaj jaroj pli granda, ol unuopa homo kapablas trakti dece. Laŭ tio la duone aŭtomata selektado de informoj – kaj per tio ties kompreno – havas kreskantan gravecon. La kompreno de trovita informo unuflanke malfaciliĝas per la pli granda kultura distanco al kelke da aŭtoroj, samtempe ekzistas ebleco konsulti rapidajn kaj ampleksajn enciklopediojn pri nekonataj terminoj dum sekunderoj. Pli kaj pli granda parto de la por la kompreno necesa scio ne venas el ĝenerala klereco, sed estas akirata laŭbezone.

La taksado de informoj havas grandan gravecon en epoko, kiam ties disvastigo estas fakte senkosta. Ĉiu kapabla premgrupo klopodas disvastigi sian propran vidon de la mondo per eble plej multe da informaj kanaloj. Per la neglekteblaj kostoj tio sukcesas en pli granda skalo ol antaŭe. Samtempe la klasikaj ĵurnalistaj amaskomunikiloj ŝanĝiĝas tiel, ke kelkaj taskoj, kiujn antaŭe faris profesiaj ĵurnalistoj, nun devas esti farataj de ĉiu unuopa leganto. Aldone, la natura heŭristiko fidi kelkajn formojn de informa prezentado pli ol aliajn fariĝis intertempe preskaŭ senutila per progresoj en la manipulado de bildoj kaj videoj. La (reklama) psikologio aktive laboras pri influi homojn ankaŭ per ilia subkonscio. Ĉi tie oni devas trejni la medikompetenton ankaŭ pri muziko kaj olfaktaj stimuloj.

Lernaj celoj anstataŭ instruaj planoj

Ĉiu instruado havas la celon ekkonigi al la lernanto iun ĝis nun nekonatan aŭ memore fiksi iun jam konatan per ripeto. Tio okazas aŭ per konscia okupado de la lernantoj pri temo aŭ per lernado de kondutoj kaj agmanieroj dum la okupo pri alia temo. Kondiĉe ke la elekto de temoj aŭ agmanieroj ne gravas por la lerna celo, la lernantoj selektas ĝin.

La lernantoj sciu, kiun lernan celon oni sekvas pokaze. La lernaj celoj rezultas tiel, ke la ĝeneralaj celoj de edukado baze de la respektiva kona stato, de la kapabloj kaj de la interesoj de la lernantoj estu eble plej konsiderinde atingitaj.

Scienco kaj esplorado

Scienco kiel fundamento de la socia disvolviĝo

Scienco estas esenca parto de nia kulturo kaj servas ne nur kiel fundamento apogilo por teknologia disvolviĝo, sed ankaŭ por la intelekta disvolviĝo. Al tio kontribuas kaj la atingitaj rezultoj kaj ties apliko kaj ankaŭ la procezo de la scienca ekkono. La aprezado kaj prosperigo de la scienco estas pro tio grava tutsocia tasko, kiu ne rajtas esti direktata de miopaj ekonomiaj interesoj. Speciale la fundamenta esplorado, kiu alcelas neniujn praktikan aŭ monan uzojn, devas esti prosperigota.

Etika neŭtraleco kaj senideologieco de la scieno

Sciencaj ekkonoj mem sekvas neniun etikan takson, influo de la scienca disvolviĝo, speciale forme de limigoj kaj malpermesoj pro politikaj, religiaj aŭ kromaj kaŭzoj estas malakceptenda. Konkretaj kondutoj kaj praktikaj aplikoj de nove gajnitaj ekkonoj male devas esti kontrolitaj laŭ ties akordo kun etikaj kaj sociaj normoj kaj esti limigitaj ĉe neceso. Tia kontrolo ne rajtas fokusiĝi partie al la eblaj danĝeroj kaj riskoj, sed devas antaŭrange konsideri la utilon kaj por la scienco kaj por la socio entute.

Scienceco, postplenumebleco kaj travideblo de la esplorado

Per la alta aprezado de la scienco nepras, ke oni postulas altajn travideblon kaj postplenumeblecon de sciencaj procezoj. Sciencaj ekkonoj devas ĉiam publikiĝi en formo, kiu ebligas sendependan kontrolon de la prezentitaj rezultoj kaj konkludon. Same la financado de esploradaj projektoj kaj institucioj estas dokumentenda travideble por povi ekkoni eblajn koliziojn de interesoj kaj influadon. Speciale ĉe la uzado de sciencaj provaĵoj kiel fundamento de politikaj decidoj oni devas rigore observi koncernajn postulojn de travideblo. Institucioj kaj esploradaj centroj, kiuj ne kontentas la kriteriojn de postplenumebleco kaj scienca kontrolebleco, estas nek alpagendaj rekte nek prosperigendaj malrekte (ekzemple per aprobo kaj agnosko de rilataj vojoj de edukado).

Malferma aliro al sciencaj ekkonoj

Scienca disvolviĝo povas esti sekurigita kaj uzata por la bonstato de la homoj nur per interŝanĝado de ekkonoj. Juraj limoj, kiuj servas la malebligon de libera interŝanĝo de scio speciale intence de kontrolado, la pluan esploradon kaj la edukadon, estas evitendaj. De publika sektoro (parte) financitaj sciencaj informoj kaj esploradaj rezultoj utilu ankaŭ al publikeco kaj per tio estu facile kaj libere alireblaj por ĉiuj civitanoj.

Libera aliro al normoj

Normoj estas io ĝenerale valida kaj estu alireblaj al ĉiu. Estas laŭ la intereso de la konsumanto kaj laŭ la senco de la nocio de travideblo ne devi trapasi financajn barilojn ĉe tio. La financado okazu de la ŝtato; tio ŝajnas motivita konsidere de la utilo.

Rajto je sekura ekzisto kaj socia partopreno

Ĉiu homo havas la rajton je sekura ekzisto kaj socia partopreno.

Respekti kaj protekti la homan dignon estas la plej grava ordono de la Baza Leĝo, la federacia konstitucio. Homo povas vivi en digno nur, se liaj bazaj bezonoj prizorgiĝas kaj socia partopreno eblas al li. En nia mona ekonomio pro tio enspezo necesas.

Se enspezo estas atingebla nur per laboro, plena dungiteco devas regi por la sekurigo de la digno de ĉiuj homoj. Laŭ tiu kondiĉo plena dungiteco estas ĝis nun granda celo de ekonomia politiko. Oni provas atingi ĝin per du vojoj: per la ekonomion stimulantaj aranĝoj kun la celo krei laborlokojn kaj per deŝtate financitaj laborlokoj kun la antaŭranga celo de ekzistosekurigo. Ambaŭ estas plivojoj kaj postulas ampleksajn komunajn rimedojn.

Sed, se komunaj rimedoj efektiviĝas, tio devas okazi laŭeble plej laŭcele. Ĉar la celo estas enspezo por ekzistosekurigo por ĉiu, tiu enspezo devus esti garantiita rekte al ĉiu. Nur per tio la digno de ĉiu homo estas senescepte sekurigita. Same, kiel hodiaŭ jam i. a. publika sekureco, trafikvojoj kaj grandaj partoj de la edukada sistemo estas je dispono sen rekta kompenso, ankaŭ la ekzistosekurigo fariĝu parto de la infrastrukturo.

Ni Piratoj opinias, ke grandega plimulto de la homoj uzos sekuran ekziston kiel fundamenton por la disvolviĝo de siaj ekonomiaj kaj socialaj potencoj. Sekura ekzisto kreas liberan spacon por aŭtonomaj edukado kaj scienca esploro kaj ekonomia novaĵemo. Ĝi faciligas kaj ebligas volontulecon, ekzemple la flegadon de parencoj, la prizorgadon de infanoj, sendependan ĵurnalismon, politikan aktivecon aŭ la kreadon de arto kaj de libera programaro. Per tio la tuta socio profitas.

Do, la Piratpartio subtenas solvojn, kiuj garantias individue kaj senkondiĉe sekuran ekziston kaj socian partoprenon kaj ĉe tio ankaŭ konservas kaj ebligas ekonomian liberon. Ni volas malebligi malriĉecon, ne riĉecon.

Seks- kaj familipolitiko

La Piratpartio staras por moderna seks- kaj familipolitiko. Tiu baziĝas sur la principo de la libera memdetermino pri aferoj de la persona vivo. Tio devenas el artikolo 1 de la Baza Leĝo. La Piratoj subtenas, ke la politiko kontentigu la diversecon de vivstiloj. Ĉiu homo devas libere decidi por memdetermina vivskizo kaj por individue de si dezirata formo de samrajta kunvivado. La kunvivado de homoj ne rajtas baziĝi je la profitemo aŭ ekspluatado de unuopuloj.

Libera memdetermino de seksrolaj kaj seksaj identeco respektive orientiĝo

La Piratoj staras por politiko, kiu respektas kaj prosperigas la liberan memdeterminon de seksrolaj kaj seksaj identeco. Fremddeterminajn alordigojn al sekso aŭ seksroloj ni malakceptas. Diskriminado pro la sekso, la seksrolo, la seksaj identeco aŭ orientiĝo estas maljustaĵo. Sociaj strukturoj, kiuj ne rezultas de seksrolaj bildoj, ne kontentigas la individuon kaj devas esti subigotaj.

• La Piratpartio malakceptas la deŝtatan registradon de la distingilo “sekso”. Provizore la registrado fare de la ŝtato povas okazi laŭ memalordigo de la individuoj.
• La devigo al sekse malambigua antaŭnomo estas forigenda.
• Seksalordigantaj ĥirurgioj ĉe infanoj estas malakceptendaj, se ilia memdetermino estas restriktita per tio.

Tutmondaj akcepto kaj protekto de memdeterminaj seksaj aŭ seksrolaj indenteco respektive orientiĝo

Persekuto pro la seksaj aŭ seksrolaj identeco respektive orientiĝo estas maljustaĵo. Se tia persekuto praktikiĝas oficiale aŭ neoficiale en la devenlando deŝtate aŭ nedeŝtate, ĝi devas esti akceptata kiel azilkialo. La koncernatoj ne devas pruvi siajn seksan identecon aŭ seksrolan orientiĝon por tio.

En multaj landoj de la mondo homoj estas diskriminaciataj aŭ krimigitaj pro siaj seksaj aŭ seksrolaj identeco respektive orientiĝo, se ili diferencas de la tie valida normo. Tiajn diskriminacion aŭ krimigon ni malakceptas.

Diferencaj seksaj aŭ seksrolaj identeco respektive orientiĝo ne rajtas klasifikiĝi kiel malsano aŭ perverseco.

Libera memdetermino de kunvivado

La Piratoj subtenas la pluralismon de kunvivado. Politiko devas kontentigi la diversecon de vivstiloj kaj ebligi vere liberan decidon por la individue dezirata formo de kunvivado. Nur historie estiĝintan strukturan kaj financan favoradon de selektitaj modeloj ni malakceptas.

• La Piratoj subtenas la kompletan laŭleĝan egaligon de geedziĝo kaj registrita partnereco.
• La registrita partnereco malfermendas al ĉiuj formoj de partnereco; konceptoj de la plivastigo de la registrita vivopartnereco al registrita vivkomunumo ankaŭ de pli ol du personoj devas esti ellaborotaj kaj realigotaj.
• La registrita vivopartnereco estas – apogiĝante al la franca PACS-modelo – formenda kiel civila solidarecpakto. Tiu civila pakto ebligu pli flekseblan transdonon de rajtoj kaj simpligitajn kaj pli malmultekostajn nuligoprocedojn same kiel la translokigon de kontraktado de la ŝtata sur notarian nivelon.

Libera memdetermino kaj familia prosperigo

La Piratpartio subtenas la egalrajtecan akceptadon de vivmodeloj, en kiuj homoj transprenas respondecon unu por la alia. Sendepende de la elektita vivmodelo vivkomunumoj, en kiuj infanoj kreskas aŭ malfortaj homoj prizorgiĝas, speciale gardindas. Nia familipolitiko estas determina per tio, ke tiaj vivkomunumoj devas esti konsiderataj kiel egalvaloraj kaj laŭleĝe egalaj.

Egalrajteca ebleco de la prizorgado de infanoj: Havi infanojn ne rajtas gvidi al diskriminacio aŭ malutilo. El la seksaj aŭ seksrolaj identeco respektive orientiĝo rajtas rezulti nek privilegio nek devigo al pli aŭ malpli granda partopreno ĉe la prizorgado de infanoj. Ni Piratoj subtenas la malpliigon de ankoraŭ ekzistantaj sociaj atendoj, kiuj malebligas aŭ malfaciligas vere liberan, individuan decidon.

La geedza dispartigo de impostoj estas forigenda. Impostaj rabatoj por unuopaj personoj aŭ vivkomunumoj estas kunligendaj kun la prizorgado de infanoj kaj malfortaj homoj.

Por ebligi la liberan memdeterminon de vivplano, sufiĉaj prizorgadaj ofertoj por infanoj estas kreendaj. Leĝa pretendo je principa disponeblo de tiaj prizorgadaj ofertoj devas ekzisti denaskiĝe.

Rajti havi infanojn devas esti sendepende de seksaj identeco respektive orientiĝo. Ankaŭ samseksaj vivkomunumoj devas rajti kune ekhavi, adopti kaj guverni infanojn.

Medio

Daŭripovo (Libero por sekvontaj generacioj)

La Piratpartio staras por daŭripovo. Pro tio ni volas agi tiel, ke ankaŭ estontece la fundamentoj por digna ekzisto en libero ĉeestos. Kondiĉo por tio estas travidebla kaj respondecoplena traktado de naturaj risurcoj.

Vivinda medio (sekurigi fundamentojn de vivo)

Ni volas konservi sanan kaj naturan medion. Tio signifas la malpliigon de la imisiono de nocaj substancoj en nian medion kaj la protektado kaj la regenerado de naturaj spacoj, speciale de tiuj kun alta diverseco de specioj.

Traktado de risurcoj

Ni volas respondecoplenan traktadon de risurcoj. Por tio finiĝontaj kaj regeneraj risurcoj devas esti uzataj daŭripove. Por konservi eblecojn ankaŭ por venontaj generacioj generaj risurcoj estas uzendaj amplekse kaj anstataŭu laŭeble finiĝontajn kaj regenerajn risurcojn.

Energipolitiko

Ni volas longtempan sekuran kaj mediindulgan energi-infrastrukturon. Tio signifas ŝanĝon de finiĝontaj energifontoj al generaj kaj regeneraj energifontoj. Regeneraj energifontoj estas uzendaj laŭ principo de daŭripovo kaj ne en konkurenco al aliaj mediaj celoj. Cetere, ni volas travideblan malcentran strukturon de farantoj. Nur tiel partoprenado de ĉiu civitano estas atingebla kaj monopola situacio estas malhelpebla.

Agrikulturo

Plifortigo de la agrikulturo

Ni volas pruduktkapablan, regione adaptitan agrikulturon, kiun ankaŭ etaj entreprenoj povas partopreni samrajte kaj kiu estas kondiĉe de daŭripova mastrumado kaj de ekologia konscienco de konsumantoj konkurpova.

Tio postulas unuavice kunlaboradon de ĉiu koncernantoj. Krome de agrikuluristoj kaj ties asocioj al tio apartenas ankaŭ nutraĵokomerco, sigeloj de kvalito, asocioj de natur- kaj bestprotektado, sed ankaŭ la reprezentantoj de politiko kaj la konsumantoj. Ni volas travideble ekkonstrui kaj prizorgi konformajn retejojn, en kiuj la kondiĉoj, eblecoj kaj ties realigo estas negocataj kune.

Volo de konsumantoj

Ni volas atingi, ke la agrikulturaj entreprenoj ne estu kiel ĝis nun sub la preza premo de nutraĵokonzernoj kaj de la produktanta industrio. Ni volas neniun agrikulturan politikon, kiu celas ekskluzive kreskadon, ĉe tio konsideras nek la daŭripovon nek la volon de konsumantoj.

Retejo de sengenteknikaj regionoj

En la Ĉarto de Florenco la regionoj de diversaj eŭropaj ŝtatoj subtenas tion, ke ili ne aprobu genteknike ŝanĝitajn plantojn por la libraera kulturo kaj malakceptu ilin por la agrikulturo entute. Ni volas, ke Germanio aliĝu la Ĉarton de Florenco kaj estiĝu sengenteknika regiono. Malutiligoj de la natura medio per genteknike ŝangitaj organismoj estas – unufoje disdonite libraere – neinversigeblaj kaj neeviteblaj.

Estas pruvite, ke la rikoltoj povas esti pligrandigitaj pli forte per laŭtradiciaj metodoj de kultivado ol per la gentekniko, tion konfirmas ankaŭ regule la tutmonda agrarraporto. Neniu devus malsati, se risurcoj, scio kaj la ebleco produkti nutraĵojn estus disdonitaj juste.

Industria bestproduktado

La Piratpartio Germanio malakceptas industrian amasan tenadon de bestoj, ĉar tiu malutiligas la vivokvaliton en kamparaj regionoj, gvidas al neakceteblaj normoj en la tenado de utilaj bestoj same kiel ĝi endanĝerigas la laŭtradician kamparanan agrikulturon.

La Piratpartio subtenas laŭspecian formo de tenado de ĉiuj utilaj bestoj. En la kampo de la tenado de kortbirdaro ni volas atingi la samajn celojn/normojn kiel en la tenado de ovokokinoj. La tenado de parhufuloj estas adaptenda pere de la dispartigo de unitoj de grandbrutoj (GVE) po unu hektaro de agrikultura tereno en la regiono. Jam ekzistantaj leĝoj kaj dekretoj devas esti aplikitaj konsekvence kaj ties observado devas esti kontrolita pli strikte ol ĝis nun.

Por la diverseco en la socio

Migrado riĉigas la sociojn

Ni konsideras la diversecon, kiuj estiĝas ankaŭ per la kunvivado de homoj de diversa deveno, riĉigo de la socia vivo. Ni rekonas la mutualan influon de ekskludo per la plimulta socio kaj la segregacion de la kiel »fremdaj« brulstampitaj homoj kaj ni taksas tiun situacion ne kompatibila kun niaj ideoj de homa digno.

La teknika ebleco relative malfacile vojaĝi longajn distancojn ŝanĝis ankaŭ la kondiĉojn por migrado. La Federacia Respubliko Germanio estas de jardekoj enmigra lando. Krome, ĝi estas parto de la Eŭropa Unio, kiu troviĝas en procedo de progresa integriĝo kaj transprenas kromajn kompetentojn. Pro tio la germana migrada politiko staras antaŭ kvarobla defio:

La disvolviĝo de la Eŭropa Unio gvidas ankaŭ al la totala rajto je libera elekto de la vivloko de ĝiaj civitanoj

Ene de la Eŭropa Unio validas intertempe rajto je libera elekto de la laborloko kaj libero de ekloĝi de ĝiaj civitanoj. Ni vidas la disvolviĝon de la Eŭropa Unio al totala rajto je libera elekto de la vivloko. Tion devas konsideri ankaŭ la socialaj sekuraj sistemoj. Ofertoj de lingva lernado kaj kultura diverseco apartenas neeviteble al tiu disvolviĝo.

La ekskludo de laboraj migrantoj dum generacioj estas hommalinda

Homoj, kiuj venis kiel laboraj migrantoj aŭ el iamaj kolonioj kaj transmaraj regionoj en la Eŭropan Union, havas la rajton hejmiĝi ĉi tie. Al tio apartenas la totala integriĝo en la edukadan sistemon, en la laboran merkaton kaj la ebleco partopreni kaj kunformi la kulturan kaj politikan vivon.

Tiom, kiom en ŝtatoj de la Eŭropa Unio ankoraŭ ekzistas rajto de civitaneco, kiuj rilatas al la deveno, kromaj regularoj estas kreendaj, kiuj atribuas al la ĉi tie naskiĝantaj la civitanecon de la ŝtato de la Eŭropa Unio de ilia naskiĝo kiel neperan rajton. Pro tio, por la integriĝo en la politikan kaj socian vivon multobla civitaneco estas akceptenda dum minimume du generacioj. La sukceso de integriĝo de la enprenintaj ŝtatoj mezuriĝas per tiom, kiom la civitanoj kun migrada deveno renoncas laŭ propra decido multoblan civitanecon.

Estas la tasko de la eŭropaj ŝtatoj zorgi pri la reala ŝanco je edukado kaj profesia sukceso de homoj kun migrada deveno. Oni bezonas aktivan politikan agadon por malpliigi diskriminaciojn kaj atingi prosperigan kunvivadon de ĉiuj homoj en la lando. Por atingi komunuman politikan kunagadon la rajto je baloto por komunumaj reprezentantaroj en la loko de ilia vivcentro estas sekurigendaj ankaŭ por homoj, kiuj ne havas civitanecon de ŝtato de la Eŭropa Unio.

Eŭropa bezonas ekonomian migradon

Por la ekonomia disvolviĝo de la eŭropaj ŝtatoj estas devige necese prosperigi kaj uzi la talentojn kaj lertecojn de la ĉi tie vivantaj civitanoj. La ĝisnunaj penoj pri sukcesa edukado de la tuta loĝantaro bedaŭrinde ofte lasas supozi la malon. Tamen la demografia disvolviĝo de la eŭropaj ŝtatoj donas la perspektivon, ke tio ne sole sufiĉos por la ekonomia disvolviĝo kaj por la sekurigo de la socialaj sistemoj. Ĝis la formado de tutmonda kompenso de ekonomiaj kaj socialaj maljustecoj la ŝtatoj de Eŭropo bezonas homojn, kiuj ekloĝas ĉi tie kaj kontribuas al la ekonomia disvolviĝo. Por tio regularoj estas kreendaj, kiuj ordigas la ekonomian enmigradon kaj klare apartigas la ekonomian migradon de la postuloj de sekurigita rifuĝo kontraŭ persekuto kaj militaj konsekvencoj.

La tempolimoj ĝis daŭre sekurigita rajto je restado kaj ĝis la ŝanĉo de naciigo estas draste reduktendaj, specialaj penadoj de la migrantoj pri lingvakiro kaj profesia integrado estas pozitive subtenendaj, ilia manko ne estas uzenda kiel preteksto por diskriminacio. Por la profesia integrado la reguloj pri la agnosko de fremdlandaj edukadaj kaj lernoservaj ekzamenoj estas plifaciligendaj. Internaciaj perkontraktaj regularoj pri la mutuala agnosko de edukadaj ekzamenoj estas urĝe alstrebendaj.

Sekurigi rifuĝon kontraŭ persekuto kaj milito

Doni rifuĝon kontraŭ politika persekuto kaj la konsekvencoj de milito kaj intercivitana milito apartenas al la elementaj devoj de la interpopola juro. Tiu devo estas eŭropa komuna tasko. Kontraŭdiras al tio, se eŭropaj ŝtatoj – inter tiuj ankaŭ la Federacia Respubliko Germanio – provas fuĝi tiun taskon. Homoj, kiuj serĉas rifuĝon en Eŭropo, havas rajton je hominda vivo, je libero de movado kaj partopreno ĉe la labora mondo, ĉe edukado kaj kulturo. Tio validas jam tiam, kiam la kialoj de la fuĝo ankorau ne estas agnoskitaj. Validas ankaŭ, se reveno en la devenlandon ne eblas.

Por la apartigo de ŝtato kaj religio

Libero kaj diverseco de kulturaj, religiaj kaj ideologiaj opinioj karakterizas la modernajn sociojn. Garantii tiujn liberojn estas devigo por la ŝtata sistemo. Ĉe tio ni Piratoj komprenas kiel religian liberon ne nur la liberon praktiki religion, sed ankaŭ la liberon de religia kuratoreco. Ni ekkonas kaj respektas la valoron, kiun individue vivata religieco povas atingi por la unuopa homo.

Malgraŭ la perkonstitucie garantiata religia libero, la ŝtata sistemo de la Federacia Respubliko ne estas libera de religia (kaj profana) privilegiadoj de la tradiciaj kristanaj eklezioj. Ĉi tie ekzistas kontraŭdiro, kiu povas gvidi per enmigrado kaj religia diferencigo en la socio al pli grandaj faŭltoj.

Starigi la ideologian neŭtralecon de la ŝtato estas pro tio por la prosperiga disvolviĝo de la civito necesa kondiĉo. Sekulara ŝtato postulas la striktan apartigon de religiaj kaj ŝtataj gravecoj; financaj kaj strukturaj privilegioj de unuopaj kredokomunumoj, ekzemple kadre de financa alimentado, ĉe la transdono de taskoj en ŝtataj institucioj kaj ĉe la manaĝado de socialaj institucioj, estas ege dubindaj kaj pro tie malpliigendaj. Laŭsence de la datumŝparemo, la registrado de la religianeco de ŝtataj institucioj estas nuligenda, deŝtata enkasigo de ekleziaj kotizoj ne povas esti pravigita.

Kune kontraŭ rasismo

Rasismo kaj kulture motivita diskriminado estas ankoraŭ grava problemo, kiu kontraŭstaras la paceman kunvivadon en diverseca socio. Perforto kaj timigo surbaze de la deveno, religio aŭ kulturo estas ĉiukaze malakcepteblaj. Pro tio oni devas katigorie opozicii rasismon kaj kontraŭeksterlandana malamikeco, same kiel aliajn formojn de gruporilataj hommalamikeco. Biologiismaj ideologioj, en kiuj homoj de difinita deveno estas taksataj denature superaj super aliaj, estas science refutitaj kaj neakordeblaj kun la valoroj kaj celoj de la Piratpartio, same kiel tiu ideologioj, kiuj imputas kolektivajn hegemonistrebadojn al tutan loĝantaraj grupoj, por propagandi laŭdiran neceson de “batalo de kulturoj”. Ekzemploj por tiaj ideologioj estas antisemitismo kaj islammalamo. Ĉe tio gravas atenti ne nur la dekstran randon de la socio, sed opozicii antaŭjuĝojn kaj netoleremom ankaŭ meze de la socio ĉe la ĉiutaga rasismo, latente antisemitaj stereotipoj kaj la kreskanta islammalamikeco.

La Piratpartio ŝatus subteni kampanjojn kaj iniciativojn, kiuj havas la celon plibonigi la interkomprenon inter diversaj kulturoj kaj ideologioj, malpliigi antaŭjuĝojn kaj prosperigi la kunecon. Same tiajn, kiuj opozicias dekstrekstremistajn agadojn kaj volas helpi homojn malligiĝi el koncernaj grupoj.

Sanpolitiko

La PIRATOJ staras por estontokapabla kaj solidara sanpolitkiko kun jenaj celo: Ĉe la PIRATOJ la homo staras en la centro de la sansistemo. La PIRATOJ alstrebas sansistemon orientitan al la utilo por pacientoj. Kun la PIRATOJ la sansistemo estas financita per solidaraj kotizoj kaj organiziĝas efike.

Ĉe la PIRATOJ la homo staras en la centro de la sansistemo

Kun la PIRATOJ la bonstato de la homoj staras en la malfono en la sansistemo kaj ne la maksimumigo de la gajno.

Saneca edukado kaj sankulturo

La PIRATOJ alstrebas por ĉiuj aĝofazoj kaj en ĉiuj vivsekcioj la prosperigon kaj la konservadon de sano per ampleksa saneca edukado kaj libera aliro al neŭtralaj informoj. Al tio apartenas speciale la inkludo de la saneca instruado en la lernejan instruadon. Ĉe tio oni transdonas fundamentan scion pri la estiĝo de sano, hejmeca sanprizorgo, unua helpo, la ebleco de memrespondeca, sanprosperiganta agado kaj la ĉefaj trajtoj de la sansistemo. Oni tutsocie ekdiskutas por disvolvi sankulturon, kiu prosperigas la respekteman kaj homindan traktadon de maljuniĝo, malsano kaj mortado.

Prevento

Prevento por evitado de malsanoj estas centra tasko de la sansistemo. Ĉe tio la prevento inkluzivas krom la frua diagnozo de malsanoj ankaŭ la analizon kaj ŝanĝon de malsanigaj kondiĉoj en medio, socio kaj profesio.

Inkluziveco de homoj kun sanecaj restrikcioj

La PIRATOJ konsideras restrikciojn kaŭze de sano aŭ malhelpo, kronikajn malsanojn aŭ malhelpojn kaj kriplaĵojn kiel erojn de la homa vivo kaj subtenas pro tio la inkluzivon de koncernatoj ĉe la socia vivo laŭsence de la inluziveco.

La PIRATOJ alstrebas sanprizorgadon orientigitan laŭ la porpacienta utilo.

Rapide kaj efike ekkoni kaj kuraci la plendojn de la pacientoj, mildigi iliajn suferojn kaj prizorgi ilin laŭ bezono estas tasko de la sanprizorgado. Kun la paciento en la centro la interhoma kontakto kaj la atento al la paciento same kiel liaj bezonoj valoriĝas. La plibonigo de la estimanta komunikado inter ĉiuj partoprenantoj havu pli speciale altan gravecon. Konvenaj infratrukturoj kaj stimuloj estas kreendaj pro orientigi la sansistemon laŭ la rezulto de la kuraco kaj la porpacienta utilo.

La memdetermina paciento

La homo en la sansistemo estas laŭeble plej memdetermina. Liaj digno kaj aŭtonomeco estas respektenda. Kadre de siaj eblecoj li decidas la formon, la intenson kaj la agoradion de la kuraco. La kondiĉo por memdetermina decido estas la travideblo de la serva oferto kaj de la rezulta kvalito de la servantoj. La kunlaborado inter servantoj kaj pacientoj estas properigata. La PIRATOJ subtenas agojn, kiuj celas plibonigi la klerigon de la pacientoj kaj inkluzivon de la paciento en kuracajn decidojn kaj procezojn. Plue, la PIRATOJ progresigos la kontinuan plukonstruadon de la sendependa pacienta konsultado ankaŭ post la enkdonduko de la leĝo de pacientaj rajtoj.

Ekonomieco

Rimedojn, kiuj taŭgas plialtigi la prizorgan kvaliton kaj malaltigi la kostojn entute, subtenas la PIRATOJ. Tio inkluzivas ekzemple la transprofesigrupan kunlaboradon inter ĉiuj partoprenantoj en la sansistemo. Daŭripova sanpolitiko celas eksprese ne nur la malaltigon de kostoj. Pli ĝuste, oni atingas veran ekonomiecon ofte pli frue, se oni elspezas pli da mono por kvalito kaj prizorgado, kiu tiam donas enspezojn per pli malaltaj sekvaj kostoj.

Libera elekto

Ĉiu homo havas la liberan elekton ĉe kvalifikitaj servantoj, pruveble efikaj kuracometodoj kaj aprobitaj medicinaĵoj. La servofertoj estas libere elekteblaj flanke de la pacientoj sen atento de sektoraj limoj. La servantoj decidas, en kiu formo ili praktikas sian profesion – ĉu en primara praktiko, en kuna profesipraktiko, ene de medicina prizorgada centro aŭ kiel dungita kuracisto de institucio. Celo de la kuraco estas alta kvalito de la rezulto.

Komunumaj servantoj

En subprovizitaj regionoj komunumoj ricevas la rajton transpreni familikuracistajn sidejojn de kontraktokuracistoj kaj dungi kuracistojn tie. Krome, moveblaj kuracistaj praktikoj povu trovi eniron en la regulan prizorgadon.

Paliativa prizorgado

Ĉe pacientoj, ĉe kiuj je la vivofino aŭ dum gravaj kronikaj malsanoj sanigo ne plu eblas, la sufero mildiĝu per paliativa prizorgado. Kvalifika disvastiĝinta oferto de flegada kaj medicina paliativa prizorgado plifaciligas al la pacientoj la vojon je la vivofino kaj helpas la parencaron akompani kaj prizorgi ilin. La plukonstruado de tiaj ofertoj estas prosperigenda.

Malabundo de specialistoj

La laborkondiĉoj kaj la lernoservaj kapacitoj en la sansistemo estas formendaj tiel, ke oni kontraŭagu kontraŭ la malabundo de specialistoj.

Kun la PIRATOJ la sansistemo financiĝas per solidaraj kotizoj kaj organiziĝas efike.

Financado

Ĉiuj civitanoj partoprenas la financadon de la sansistemo. La individua financa potenco estas konsiderita. Privilegioj de la privataj asekuroj pri malsano estas forigendaj laŭ intereso de sanprizorgado sendependa de enspezo kaj kapitalo.

Katalogoj de servoj

Konsideroj inter la interesoj de pacientoj je prizorgado kaj tiuj de la komuneco je limigo de la financado al efikaj, necesaj kaj ekonomiaj servoj estas necesaj. Ĉe decidoj pri la katalogo de servoj ankaŭ pluaj reprezentadoj de la ekonomiaj interesoj de la servantoj kaj pagantoj same kiel pacientaj organizaĵoj estas partoprenigendaj apud la reprezentadoj de la aŭtonoma administracio. La prizorgado per medicine necesaj servoj okazas sendepende de la financa povo de la paciento kaj de la formo de la asekuro. Pli longaj atendotempoj dependaj de la asekurospeco ne estas akcepteblaj. La kvalitaj kaj kvantaj diferencoj de la prizorgardo de tiuj grupoj estas sendepende enketendaj kaj plublike prezentendaj.

Informa kaj komunikada teknologio

La PIRATOJ subtenas, ke la civitanoj povas akiri scion kaj kontrolon pri ĉiuj ilin koncernantaj datumoj, kiuj estas konservitaj rilate al malsanoj kaj kuracadoj. Por plifaciligi la kunlaboron inter la diversaj agantoj de la sansistemo la PIRATOJ subtenas pli rapidan establon de malfermaj normoj por la elektronika komunikado. La datumprotektado je plej alta nivelo estas garantienda. La enspezoj kaj elspezoj de la sansistemo estas aktuale, klare kaj postplenumeble publikigendaj. La prezentado estas farenda tiel, ke la parto, kiu rekte utilas al al paciento, kaj je li prestitaj servoj estas travideblaj. La organizado de la sansistemo okazas en ĉiuj kampoj travideble, efike kaj laŭeble senpapere.

Travidebla kaj justa bilancsistemo

Samaj servoj kun komparebla kvalito estas same kaj juste pagitaj principe sendepende de la speco kaj strukturo de la servanto. Ĉe ĉioinkluzivadoj de la bilancsistemo estas konsiderende, ke kuracadoj de pacientoj kun speciala elspezo estas juste konsideritaj. La PIRATOJ subtenas plifaciligadon kaj raciigon de la bilancado de servoj en la sansistemo. Se diferencaj kotizoj estu pagota por samaj servoj, tio estas pravigenda. La PIRATOJ subtenas, ke la honorario es la servanto en la sansistemo estas justa, travidebla kaj planebla.

Kvalito

Ĉiuj procedoj en la sansistemo estas science observataj laŭ la medicina kvalito kaj la ekonomieco konsiderante etikajn vidpunktojn helpe de sendepandaj institucioj. La de tio deduktendaj rimedoj estas realigendaj, se oni konstatas bezonon de plibonigo. Per tio oni garantias, ke la monenspezoj por la sanprizorgado estas uzataj fidinde kaj sencoplene por la kovro de la bezono de ĉiuj pacientoj.

Kontraŭdroga politiko

La germana kontraŭdroga politiko investas de 40 jaroj preskaŭ ekskluzive en la rimedon de prohibicio kaj sekvas per tio la nerealisman celon de sendroga socio. El koncernaj studaĵoj kiel malmulte manie kaj sane riskaj konataj substancoj restas malpermesitaj, dum samtempe pli danĝeraj substancoj kiel alkoholo kaj tabako estas akceptitaj en la socio, same kiel kelkaj farmaciaj produktoj kun alta manipotencialo. Oni firmtenas leĝojn, kiuj enhavas malmulte da efika protektado de junularo, kiuj ne konsideras la veran danĝerecon, troŝarĝas la juĝejojn kaj kostas jaron al jaro por la civitanoj miliardojn da senefike uzata imposta mono.

Nova kontraŭdroga politiko

La Piratpartio staras por senopresa kontraŭdroga politiko kaj volas finon de la fianskinta prohibicio. Ni malakceptas la hodiaŭan, science ne subteneblan distingon inter leĝaj kaj kontraŭleĝaj substancoj kaj postulas la objektivajn taksadon kaj traktadon de ĉiuj psikoaktivaj substancoj nur laŭ ilia danĝera potencialo. La ĉi-tempa ne surfakte bazita kuratorado de plenkreskuloj ĉe la respondecema traktado de narkotikaĵoj kaj stimulaĵoj kontraŭas la fundamentan opinion de la PIRATOJ kaj nian komprenon de emancipiĝinta socio. La ĝisnuna krimigado de konsumantoj devas finiĝi kaj la al tio apartenanta nigra komerco devas anstataŭiĝi per kontrolataj akiraj strukturoj. Tiel rezultas tiam la kadraj kondiĉoj, kiuj – alie ol hodiaŭ – forigas multajn problemojn, kiuj estiĝas nur surbaze de danĝeraj aldonaĵoj kaj mankanta higieno.

Reguligi, helpi kaj direkti anstataŭ puni

Prevento devas esti honesta kaj konkreta por povi konvinki daŭripove.

Necesaj regularoj kadre de nova kontraŭdroga politiko bezonas inkludon de ĉiuj partoprenantoj kaj koncernantoj por la formado de senideologiaj kaj laŭrealece orientigitaj konceptoj. Leĝoj, dekretoj kaj regularoj de depagoj devas esti dekretitaj nur por la protekto kontraŭ veraj danĝeroj, kaj ne surbaze de ideologiaj kaj ekonomiaj argumentoj. Senbarila kaj necenzurita aliro al ĉiuj informoj ankaŭ pri iuj drogoj estas garantienda al ĉiu civitano.

Protektado de junularo

La PIRATOJ subtenas eksplicite sencoplenajn kaj necesajn leĝojn aŭ dekretojn por la protektado de infanoj kaj junuloj. Ĉiu estu konscia pri la respondeco informi infanojn kaj junulojn amplekse kaj surbaze de faktoj pri la danĝeroj de la konsumo de narkotikaĵoj. Bonefika protektado de junularo povas esti atingota pruveble ne per reglamentado kaj malpermesoj. Anstataŭ tio, malferma, konkreta traktado de la temo forme de ampleksa informo en lernejoj kaj libertempaj institucioj devas kompletigi leĝajn regularojn. Jam en la infanaĝo sisteme perinta memdetermina sinteno estas la plej bona vojo fortkaraktere kontraŭstari tiujn defiojn kaj tentojn.

Esplorado kaj medicino

La PIRATOJ konsentas la esploradon de ĉi-tempe kontraŭleĝaj substancoj por terapiaj celoj. Plua blokado de scienca laboro nur surbaze de dogmaj argumentoj estas ne plu tolerebla. Pacientoj ne estu limigitaj ĉe la libera elekto de la kuracado. Kiuj substancoj povas esti uzataj por la kuracado, estu afero nur de la instruita kuracanta kuracisto kaj de la informiĝinta paciento. Ĉe tio oni devas amplekse informi pri la danĝeroj de ĉiuj uzitaj rimedoj.

Liberece memdetemina traktado ne kontraŭas protektadon, preventadon kaj informadon.

Kontraŭdependeca politiko

Delonge ebrieco kaj manio estas eroj de ĉiu kulturo. Tiu fakto postulas senantaŭjuĝe okupiĝi pri la konsumo de stimulaĵoj kaj ties konsekvencoj por forturni damaĝon de la socio per pragmata kontraŭdependeca politiko.

La ĝisnuna, reprezalia, preskaŭ unuflanke sindetenon alcelanta kontaŭdroga politiko evidente malsukcesis: Ĝi kreis nigran merkaton, kiu konas protektadon nek de junularo nek de konsumantoj kaj malatentas la rajtojn de nekonsumantoj.

La Piratoj sekvas je sciencaj faktoj baziĝintan kontraŭdependecan politikon. La bazoj de tiu kontraŭdependeca politiko estas:

Ampleksa senideologia informado

Ĉiuj plezuro kaj avideco povas gvidi al dependeco. Tiu perdo de kontrolo pri la propraj bezonoj estu evitita per eble plej frua preventado. Fundamento de riskokonscia, hedonisma sinteno estas la scio pri efiko, kromefiko kaj eblaj sandamaĝoj ne nur de kontraŭleĝaj stimulaĵoj, sed de ĉio, kio povas gvidi iel al la dependeco. Tiu scio devas periĝi de la infaneco.

Memrespondeco kaj ĝua kulturo

Nur kiu lernis pripensi siajn bezonojn kaj kontraŭstari kunulan premon, povas memkonscie kaj memdetermine ĝui. Ĝuo kaj ebrieco estas eroj de nia socio kaj havas fundamentajn, socialajn funkciojn. La respekto al la libera decido de la individuo kaj la fido pri lia prudento kaj lia talento por vivoĝojo estas la kondiĉo por establi ĝuan kulturon, kiu scias uzi la ebriecon kiel kreeman eblecon.

Protektado de junularo kaj konsumantoj

La konsumado kaj akirado de stimulaĵoj devas esti leĝigotaj. Alikaze la ŝtato ne kapablas interveni regulante. Per la prohibicio, la ŝtato neglekte evitas la respondecon kaj lasas siajn civitanojn al nekontrolita nigra merkato sen protektado de junularo kaj konsumantoj. Leĝigitaj stimulaĵoj povas finfine subkuŝi deŝtatan kvalitan kontrolon. Ĉe la akirado de stimulaĵoj, porpacienta informo estu je dispono. Tiu folieto informu pri la speco kaj dozo same kiel pri helpofertoj.

Helpo por riskokonsumantoj

Ne ĉiu kapablas respondece trakti stimulaĵojn. Dependuloj kaj dependecendanĝeritoj bezonas nian komprenon kaj malaltsojlan aliron al ĉiuj niveloj de kontraŭdependeca helpo. La Piratoj ebligos danĝerminimumigantajn tujajn aranĝojn kiel disdonon de injektiloj kaj drogekspertizadon. La ĉiea plukonstruado de la reto de konsilaj kaj helpaj institucioj ne nur malpliigos la plej grandan embarason, sed inkludos familianojn kaj kundependulojn. Tiel asekurasocioj kontraŭ malsano kaj sanosistemoj malŝarĝiĝos.

Protektado de nekonsumantoj

Deŝtata reglamentado limiĝu je sankcii agadon, kiu damaĝas triajn. La ŝtato devas respekti la liberorajtojn de ĉiuj civitanoj. Ĝeneralajn drogotestojn ĉe la laborejo la PIRATOJ malakceptas. Ili estas limigendaj al danĝeraj profesioj kaj agadoj. Sammaniere kontraŭdrogopolitikaj okulŝirmiloj ne rajtas malutili la medicinan prizorgadon de dolorpacientoj.

Tiuj kvin punktoj estas bazo de kontraŭdependeca politiko, en kies mezo staras la respondeckonscia homo kaj neniu iluzia sindetenocelo. Se oni tiam rigardas la miliardojn, kiuj povas esti ŝparitaj, kaj la miliardojn, kiuj povas esti mastrumitaj per konvena impostigo de stimulaĵoj, oni povas supozi, ke tiu pragmata kontraŭdependeca politiko povas realiĝi detale.

Protektado de la junularo

La individua libero de ĉiu unuopa homo estas unu de la plej altaj valoroj, kiuj estas protektendaj, kaj restrikcio de tiuj de la ŝtato estas justa nur tiam, kiam la libero de triaj estas limigita aŭ ilia sekureco estas endanĝerita. Agadoj por la protektado de al junularo reprezentas tian limigon, ĉar ili kaŭzas filtradon de la influo je adoleskantoj. Ili ediktiĝu nur, se ili servas rekte la gravan celon de la protektado de la junularo kaj per ilia uzado eblas forturni pruvitan endanĝerigon de infanoj kaj junuloj. Je la donitaj kondiĉoj ni opinias la aktualajn reglamentojn pri la protektado de la junularo en Germanio tro striktaj, tro burokratigitaj kaj ne laŭtempaj. Krome, ili estas tiel nepraktikaj, ke ili estas regule ne atentitaj eĉ de respondecaj gepatroj, anstataŭ subteni tiujn je ilia edukada tasko. Ankaŭ la enirado de komputiloj kaj interreto en la ĉiutagan vivon konfrontis multajn el la analoga epoko venintajn metodojn kun enormaj defioj, kiuj kunligiĝas kaj kun la leviĝo de novaj enhavaj formoj kiel komputilaj ludoj aŭ socialaj retejoj kaj ankaŭ kun la establo de la interreto kiel tutmonda komunikada strukturo sendependa de aĝo kaj landoj. Meĥanika transpreno de praktikoj de la estinteco, kiuj estis disvolvitaj kaj uzataj por aliaj medioj, neniukaze povas kontentigi tiujn defiojn. Agadoj, kiuj ne atentas la ŝanĝiĝintajn realecojn, facile endanĝerigas la privatecon kaj komunikadan liberon de la civitanoj.

Klarigo, memrespondeco kaj medikompetenteco

Anstatŭ la troa regulado kaj kuratorado de civitanoj, kuj formis la bazon de la ĝisnunaj reguloj de la protektado de la junularo, la ĉefa afero de junularprotektantaj ordonoj devas esti ĉe klarigo kaj perado de medikompetenteco same por la infanoj kaj junuloj kiel por la rajtigitaj edukantoj. La respondeca uzado de medioj devas esti prosperigata per ampleksa edukadaj kaj instruaj aranĝoj. Per tio la danĝeroj de la cifereca epoko povas esti elpelitaj sen limigi ĉe tio la komunikadan liberon cenzursimile.

Neniu misuzo de junularprotektadaj argumentoj por cenzurceloj

Argumentoj de la protektado de la junularo ofte estas uzataj por grave malfaciligi en Germanio la aliron al certaj enhavoj, kiel ekzemple filmoj kaj videoludoj. Ebla protektado de la junularo ja, kiel la nomo jam diras, validu nur por neplenaĝuloj, sed la aktuala leĝa situacio rilata al medioj certe malhelpas ankaŭ plenaĝuloj. Pli granda danĝero estas la transigo de por malnovaj medioj disvolvitaj aranĝoj al novaj komunikadaj strukturoj en la reto, ĉar tio formas la la leĝan bazon por cenzuro de la interreto.

Individuaj reguladoj anstataŭ unueca laŭaĝa klasifiko

Ĉiu homo disvolviĝas alie kaj laŭ sia propra tempo. Nur proksimuloj aŭ la persono mem kapablas juĝi ties maturecon, se iu ajn. Kontraŭe, la ŝtato egaligas la gradon de matureco de adoleskanto kaj tiel ties taŭgecon kun ties aĝo. Tiu regularo estas nesufiĉa, ĉar ĝi tute flankelasas la individuan disvolviĝon de la junuloj kaj tiel neniam povas kontentigi ilin. Ĉar la pokaze rajtigitaj edukantoj estas respondeca por la edukado, permesoj laŭ la aĝo neniukaze estu deviga tiel, kiel okazas nuntempe. Devigaj laŭaĝaj distingoj estas intermiksadoj en privatajn edukadajn aferojn, kiuj tiamaniere trudas al la individuo certajn idealojn kaj moralajn ideojn. Laŭaĝaj permesoj estu nur helpilo por la rajtigitaj edukantoj ĉe la juĝado pri certaj enhavoj kaj ne liberigu ilin de ilia edukada tasko.

Regularoj nur sur scienca bazo

Principe, la hodiaŭa interpretado de la protekto de la junularo bezonas kritikan, sciencan esplorkontrolon, kiu traktas la danĝerojn de certaj enhavoj kaj ankaŭ la efikecon de la uzataj metodoj. Estas malakcepteble, ke malpermesoj kaj limigoj de mediaj enhavoj – speciale ĉe videoludoj – estas ordonitaj ofte sur dubinda kaj kontraŭdira scienca bazo. Multaj de aliaj politikistoj cititaj studaĵoj pri la temo “perfortenhavaj medioj” kontraŭdiras unu la alian aŭ ne sufiĉas al la kriterioj de scienca laborado. Ne eblas dedukti klarajn rezultojn de tio. Ekzistantaj regularoj devas esti kontrolitaj, reguligitaj kun aktualaj sciencaj ekkonoj - se ekzistantaj –, nove esplorkontrolitaj kaj eventuale adaptitaj laŭ la sciencaj ekkonoj. La sama validas por eblaj planitaj regularoj. Tiucele ankaŭ plua esplerado sur la konformaj kampoj necesas.

Protektado de informantoj pri malbonstatoj

Antaŭparolo

Oni devas informi la socion, ke informado pri malbonstatoj estas formo de civilkuraĝo, kiu nepre devas esti subtenita kaj protektita. Ĵurnalistaj fontoj jam hodiaŭ estas opiniataj kiel valoraj kaj jam estas bone protektitaj en Germanio.

La nocio “Whistleblower” ne havas ekzaktan germanan ekvivalenton. “Whistleblower” estas por ni iu, kiu publikigas malbonstatojn kaj kontraŭleĝan agadon kiel ekzemple koruptadon, internan komercon aŭ ĝeneralajn danĝerojn, kiujn li ekkonas ĉe sia laborejo, ĉe medicina kuracado kaj ĉe aliaj okazoj.

Protektado de informantoj pri malbonstatoj

La Piratpartio Germanio konsideras informantojn pri malbonstatoj grava korektilo en ĉiu libera kaj demokratia socio. Por tio estas unuflanke necese trovi ĝeneralan leĝan regulon por la protektado de informantoj pri malbonstatoj. Aliflanke oni devas informi la socion, ke informantoj pri malbonstatoj havas socian valoron, kiel tio jam estas establita por gazetaraj informantoj.

La Piratpartio Germanio turniĝas krome kontraŭ la apartigo inter bonaj kaj malbonaj informantoj pri malbonstatoj. La taksado de informado pri malbonstatoj povas kaj rajtas dependi ne de la propra interessituacio.

La Piratpartio Germanio subtenas ĝeneralan leĝan regularon pri protektado de informantoj pri malbonstatoj, ĉar tiu estas urĝe necesa. La de la Federacia Konstitucia Kortumo kaj de la Federacia Labora Kortumo postulita juĝado rilate al informado pri malbonstatoj estas ne komprenebla por la jura nefakulo kaj do prezentas neakcepteblan juran dubecon. Ĉiu informanto pri malbonstatoj eniras kriminal- kaj civiljurajn necertecojn. Por tio necesas, ke la leĝdonanto abandonas la ĝisnunan agadon protekti unuopajn limigitajn jurajn sekciojn kaj anstataŭe establas ĝeneralan kaj ampleksan protektadon por informantoj pri malbonstatoj kun necesaj ekceptoj.

Juro

Ni malakceptas subfosadon de la pretendo pri la leĝa juĝisto per fenomeno kiel kortuma butikumo (“forum shopping”) kaj ŝanĝanta kortuma loko (“fliegender Gerichtsstand”). Ne devas esti laŭplaĉe de akuzanto ekprocesi tie, kie li supozas la plej bonajn ŝancojn. Per la juĝado supozi sukceson ĉe publikigo en la interreto ĉie, kie oni povas ekstrakti la rilatan enhavon, la koncepto de kortuma loko ĉe la loko de sukceso estas ne plu laŭtempa kaj permesas la arbitran elekton de ajna kortumo. Ni volas reguli klare, kiu kortumo estas kompetenta por la decido pri proceso.

Leĝoj pri informlibereco

Ĉe germanaj administracioj ĝis nun la principo de ofica diskreteco estis valida. Por enrigardi aktojn de la publika administracio aŭ gajni informojn el ili, oni devis pruvi rajtigitan intereson.

Kontraŭe, preskaŭ ĉiuj okcidentaj industriaj nacioj garantias parte delonge senkondiĉan ĉiuan rajton je enrigardo de aktoj kaj je informo pri aktoj sen devi doni kialon por la proponoj. Nur de malmultaj jaroj Germanio malrapide atingas konekton al tiu internacia normo.

Ĉiam pli la ekkono venkas ankaŭ ĉi tie, ke travideblo de la publikaj administracioj plifortigas ne nur la demokratiajn partoprenajn rajtojn de la gecivitanoj kaj per tio kontraŭagas la priŝtatan grumblemon, sed ke ĝi malfaciligas manipuladon kaj koruptadon.

Ĉiu havas principe liberan, alternative limigitan aliron al informoj pri ĉiuj – suverenaj kaj fiskaj – administraciaj procedoj sen devi doni kialon por sia propono.

Por la gardado de tiu rajto la Piratpartio postulas jenajn minimumojn de leĝoj pri informlibereco (IFG):

• Ekceptoj, ekzemple la protektado de specialaj publikaj koncernoj same kiel personrilataj datumoj kaj firmaaj kaj negocaj sekretoj, estas aprobendaj strikte kaj nur laŭ pripenso pri eventuale pli altrangaj rajtoj.
• La enrigardo en aktojn kaj informado pri aktoj devas okazi dum preskribita tempolimo.
• La postulendaj administraciaj kotizoj estas formendaj tiel, ke ili ne malhelpu la informan rajton de la gecivitanoj.
• Simplaj informoj kaj la enrigardo en aktojn ĉe nur malgranda administracia peno estu principe senkostaj.
• Malakceptoj de proponoj estas motivendaj kaj devas esti perjuĝe pruveblaj.
• La obeado de la leĝoj pri informlibereco estas gardenda de komisaro pri informlibereco, al kiu ĉiu povas turniĝi plendante.

Forigo de deviga membreco en ĉambroj kaj asocioj (ekcepte de advokataj, notariaj kaj kuracistaj ĉambroj)

La Piratpartio subtenas la forigon de la deviga membreco en ĉambroj kaj asocioj kiel la Industria kaj Komerca Ĉambro (IHK) same kiel la Agrikultura aŭ Metia Ĉambroj. Advokataj, notariaj kaj kuracistaj ĉambroj ne estas alcelitaj.